Christelike Afrikaanse onderrig bevoordeel leerlinge

Onderwys is in ’n krisis! Christelike onderwys is in ’n krisis! Afrikaanse onderwys is in ’n krisis! Onderwysstandaarde

is in ’n krisis! Wat doen ons hieraan? Is ons die paddatjie wat saam met die water warm word of is

ons die paddatjie wat in die room geval het en bly trap tot die botter styf genoeg is om uit te klim?

Afrikaanse skole en universiteite word al hoe minder. Elke

ouer wil die beste vir sy/haar kind hê. Christen-Afrikaanse

ouers ook! Afrikaanse ouers begin al hoe meer redeneer

dat hulle eerder hulle kinders in Engelse en sekulêre

skole moet sit sodat hulle makliker kan aanpas en beter

voorbereid kan wees vir tersiêre studie in Engels. Dit is

egter nie die beste vir ’n Christen- Afrikaanse kind nie.

Taal is nie net ’n kommunikasiemiddel nie, maar dit

verteenwoordig ’n rykdom aan kultuurgoedere en is

’n draer van identiteit en waardes. Taal fasiliteer ons

in tellektuele en kulturele interaksies met ander mense.

Volgens Theo du Plessis, direkteur van die Eenheid vir

Taalfasilitering en -bemagtiging van die Universiteit van

die Vrystaat, het kinders hulle moedertaal nodig om

kognitiewe ontwikkeling te verseker. Hy sê dat ’n té vroeë

oorskakeling na ’n onderrigmedium wat nie die moeder

taal is nie en sonder die behoud van die moedertaal

in die onderwyssituasie, katastrofiese gevolge kan hê vir

die kognitiewe ontwikkeling van sulke kinders. Hulle kan

dan uiteindelik intellektueel en akademies gesproke nie

kers vashou by kinders wat die voorreg van langdurige

moedertaalgebaseerde onderwys geniet het nie.

As die taal wat jy tuis hoor, ooreenstem met die een

waarin jy geletterdheid ontwikkel, kan dit beslis tot beter

prestasie bydra. As die taal wat jy hoor met die klanke

wat jy op papier sien, ooreenstem, gaan jy vinniger leer.

Nasionale en internasionale navorsing het bewys dat leer

deur die moedertaal vir ten minste die eerste ses jaar van

’n kind se lewe, beslis leer bevorder. Moedertaalonderrig

is een van die redes waarom Afrikaanse skole se leerlinge

steeds volhoubaar presteer en uitstyg.

Volgens ’n studie deur dr. Viatcheslav Wlassoff , wetenskaplike

en mediese konsultant wat by verskeie instansies

wêreldwyd betrokke is, word moedertaal op ’n ander

plek in die brein aangeleer as waar ander tale aangeleer

word. Hierdie navorsing word ook deur Alison Mackey,

’n professor in Linguistiek by Georgetown en Lancaster

Universiteite, bevestig.

Die sentrum van die brein waar jou moedertaal aangeleer

word, verwerk dinge vinniger as die deel van die

brein waar ander tale verwerk word. Taalverwerwing

en die gebruik van moedertaal is iets wat onbewustelik

plaasvind. Die aanleer van ’n tweede taal is egter iets wat

bewustelik gedoen moet word. Dit is waarom ’n mens

moet dink as jy in ’n ander taal kommunikeer.

Dit is dus noodsaaklik dat ’n kind so lank as moontlik

in sy/haar moedertaal onderrig word. As hulle vroeg in

’n tweede taal moet leer, moet hulle in wese dubbeld so

hard werk, want hulle is nog besig om die tweede taal

aan te leer en moet nou ook die leerstof bemeester. Dit is

dus ’n wanopvatting dat ’n Afrikaanse kind bevoordeel

word as hy/sy van jongs af in ’n Engelse skool is. Daar

is meer navorsing wat die teendeel bewys, dus word

hulle in wese benadeel. Leerlinge wat uit Afrikaanse

skole kom, vaar baie goed op universiteit, selfs al is

alles in Engels.

Waardegedrewe onderwys is ’n noodsaaklike sleutel

tot sukses. FEDSAS het gedurende 2009 navorsing

onder sy lidskole gedoen en onder meer gevra wat beskou

kan word as die enkele grootste bedreiging vir

gehalte-onderrig. Die antwoord was nie die kurrikulum,

’n tekort aan geld of optrede van die regering nie, maar

’n gebrek aan dissipline. Onderwysers kla toenemend

oor dissipline in skole. FEDSAS het in hulle navorsing

bevestig dat die klem verkeerdelik op reëls en gefokus is

om dissipline te handhaaf. Leerlinge word die hele tyd

vertel wat hulle nie moet doen nie, in plaas van om op

die positiewe te fokus. Ons moet leerlinge doelbewus

leer wat hulle moet doen en nie aanvaar hulle weet dit

nie. ’n Waardegedrewe benadering beklemtoon wat gedoen

moet word en gee waarde aan reëls, aangesien dit

die rede verskaf waarom dinge op ’n spesifi eke manier

gedoen moet word. Waardes is dit wat optrede en ge drag

dryf en beïnvloed. Waardes beïnvloed ons verhoudings

en vorm die raamwerk vir ons lewe. Dit help om die basis

van eff ektiewe leer te vorm omdat leerlinge makliker

verantwoordelikheid ontwikkel en aanvaar. Theodore

Roosevelt het gewaarsku:

“To educate a man in mind and not in morals is

to educate a menace to society.”

In Flip Buys se woorde, moet ons leerlinge toerus vir

hulle roeping en nie net oplei vir beroepe nie, want

kwalifikasie gee werk, maar roeping gee ’n loopbaan,

dus ’n toekoms. Ons moet dus weer die roepings gedre

wen heid van ons protestantse erfenis beklemtoon.

Deur Christelike beginsels te beklemtoon, skep ons ’n

visie en hoop vir die toekoms. Hier speel onderwysers

’n sleutelrol. As die onderwyser wat elke dag voor die

kinders staan nie die regte waardes oordra nie, word

dit nie in die kind gevestig nie. Die onderwyser moet

voorleef en nie net voorpraat nie.

BCVO is ’n diensorganisasie wat in 1992 gestig is en

tans 33 CVO-skole landswyd koördineer. BCVO is gestig

deur ouers wat wou seker maak dat hulle kinders

waardegedrewe moedertaalonderrig sal ontvang. CVO skole

is by die Departement van Onderwys geregistreer

as onafhanklike skole. Dienste sluit in akademiese onder

steuning in die vorm van ’n vakadviesdiens, evalueringsdienste in die vorm van inspeksies by skole en

standaardiseringsvraestelle om standaarde te verseker

as ook die saamstel van leerplanne en handboeke. BCVO

koördineer verder provinsiale en nasionale geleenthede

vir sport en kultuur.

CVO-skole se vertrekpunt is Christelike moedertaal onderrig.

In ’n tyd wat die media en verskeie mense vra dat

geloof uit die skole gehaal moet word, bly die Bybel en

Bybelse beginsels ’n ononderhandelbare deel van CVO skole.

CVO-skole is gebou op ’n Christelik-gereformeerde

aard en karakter wat verbondsouers in hulle opvoedingstaak

ondersteun. Die skool is dus ’n verlengstuk van die

ouerhuis:

Gee jou seun ’n goeie opvoeding, en jy sal gerus

wees oor hom; hy sal jou baie vreugde verskaf

(Spr. 29:17 – 1983-vertaling).

Bybelse beginsels vorm ’n goue draad wat deur al die

vakinhoude verweef is. Bybelonderrig is ’n bevorderings

vak, m.a.w. leerlinge moet Bybelonderrig slaag om

hul graad te slaag. In Bybelonderrig word erns gemaak

met Bybelkennis asook kennis van die belydenisskrifte.

In alle vakke word van Bybelse waarhede as enigste

vertrekpunt gebruik gemaak. Christelike Onderwys is

dus nie beperk tot die lesse in Bybelonderrig of open

met Skriflesing en gebed nie.

In CVO-skole word geensins politiek of rassisme bedryf

nie, inteendeel dit is dissiplineerbaar. Leerlinge word

geleer wie hulle is en waar hulle vandaan kom, want dan

weet hulle waarheen hulle op pad is. Deur ’n trots vir die

eie te kweek en te vestig, word respek vir ander kulture

en volke ontwikkel. ’n Trots word gekweek vir Afrikaans

as moedertaal, vak- en onderrigtaal en leerlinge word

aangemoedig om goeie Afrikaans te besig. CVO-ouers

onderskryf die navorsing en bewyse waarna aan die

begin verwys is, daarom wil hulle hê dat hulle kinders

in Afrikaanse skole onderrig moet word.

CVO-skole volg ’n verrykte, kennisgedrewe kurrikulum

en strewe na uitnemende onderrig wat getuig van kwaliteit

en hoë standaarde. Kritiese en ondersoekende denke

word aangemoedig om te verseker dat ’n kind optimaal

as mens kan ontwikkel. Graad 12-leerlinge skryf aan

die einde van hulle skoolloopbaan die IEB (Independent

Examinations Board) se matriekeindeksamen in

Afrikaans. CVO-leerlinge het dus ’n wettige en erkende

matrieksertifikaat wat deur enige tersiêre instansie

erken word, dus kan leerlinge toegang kry tot verdere

opleiding nasionaal, maar ook internasionaal.

’n Bewys van hoë standaarde is die feit dat oudleerlinge

in hulle onderskeie kursusse ná skool presteer en

uit styg in die gemeenskap. Heelwat CVO-oudleerlinge

het al hul grade aan verskeie tersiêre instellings met

onderskeiding voltooi. Bitter min leerlinge wat tersiêre

studie onderneem, is onsuksesvol of laat hulle studie

onvoltooid. Ons skryf die sukses toe aan waardegedrewe

moedertaalonderrig. Verskeie oudleerlinge het nou ook

hulle kinders by CVO-skole begin inskryf wat ’n bewys

is van hulle vertroue in die stelsel. Dit is dus ’n mite om

te dink dat kinders wat aan CVO-skole gematrikuleer

het, geïsoleerd groot geword het, nie toegang tot tersiêre

instellings kry nie of sukkel om in ’n hoofsaaklik Engelse

omgewing aan te pas. CVO-leerlinge se fondamente is

stewig en goed gelê, daarom kan hulle hulself handhaaf.

’n CVO-skool strewe daarna om ’n leerling in alle

opsigte as gebalanseerde volwassene voor te berei.

Massa deelname in sport- en kultuuraktiwiteite word

aangemoedig. Daardeur kry hulle dus geleentheid om

moontlik onontdekte talente te ontwikkel.

Daar is ’n plek waar Christelike Afrikaanse kinders nog

onbeskaamd kan dink, droom en werk aan ’n hoopvolle

toekoms; waar hulle trots kan wees op wie hulle is en

waar hulle vandaan kom en hulle roeping kan uitleef.

CVO is nie net ’n naam nie, dit is ’n leefwyse! BCVO:

Ter wille van ons kinders, tot eer van God!

Gepubliseer in die Boodskapper - Amptelike blad van die Afrikaanse Protestantse Kerk No.316 November 2018